संघीयता असफल पार्न दाउपेच

इलाम । प्रदेश नम्बर १ का मुख्यमन्त्री शेरधन राईले मुलुकका तीन तहका सरकार गिराउन अनेक षड्यन्त्र र दाउपेच भइरहेको टिप्पणी गर्नुभएको छ ।

आइतबार इलामको सूर्योदय नगरपालिकालाई पर्यटकीय नगर घोषणा गर्दै मुख्यमन्त्री राईले सङ्घीयता गिराउन विभिन्न पक्षबाट अनेक दाउपेच भइरहेको बताउनुभयो । ‘हामी सङ्घीयताको नयाँ अभ्यासमा छौँ । त्यही भएर हामी आफ्नो बाटो आफैँ बनाउँदै छौँ’, राईले भन्नुभयो, ‘हामी नयाँ ढाँचामा काम गरेकाले केही समस्या आएको हो ।’

उहाँले सङ्घीयता विफल हुन कुनै पनि हालतमा नदिने विचार व्यक्त गर्नुभएको छ । सङ्घीयताका कारण मात्रै समृद्धि घोषणा गर्न सकिने भएकाले यस्तो नयाँ संरचना अपनाइएकोसमेत जानकारी दिनुभयो । फरक प्रसङ्गमा मुख्यमन्त्री राईले प्रदेश नम्बर १ लाई आत्मनिर्भर बनाउने अभियानमा रहेको बताउनुभएको छ । उहाँले प्रदेशका पूर्वाधारलाई परिचालित गरेर प्रदेशमा सबै क्षेत्रमा आत्मनिर्भर बनाउने अभियान लागेको बताउनुभयो । उहाँले प्रदेशले बजेटमात्र छुट्याएर नभई प्रविधितर्फउन्मुख भएर प्रदेशलाई नमूना बनाउने अभियानमा लागेको जानकारी दिनुभयो ।

प्रतिक्रिया व्यक्त गर्नुस्
TAGS

COMMENTS

Wordpress (0)
Disqus (0 )