अर्जुनधारा–६ लक्ष्मीपुरमा सेभेन स्टार डिपार्टमेन्ट स्टोर

अर्जुनधारा–६ लक्ष्मीपुरमा सेभेन स्टार डिपार्टमेन्ट स्टोर

बिर्तामोड । झापाको अर्जुनधारा–६ लक्ष्मीपुरमा सेभेन स्टार डिपार्टमेन्ट स्टोर सञ्चालनमा आएको छ ।

 

झापा अर्जुनधारा –६ का युवा केशवकुमार पोखरेल, होमनाथ पौडेल, रेशबहादुर बस्नेत, विमल मेचे, वीरबहादुर राई, प्रकाश भट्टराई र किशोर पौडेलले दुई करोड रुपैयाको लगानीमा सेभेन स्टार डिपार्टमेन्ट स्टोर सञ्चालनमा ल्याएका हुन् ।

घटस्थापनाको अवसर पारेर सञ्चालनमा आएको उक्त डिपार्टमेन्ट स्टोरको उद्घाटन बिएण्डसी मेडिकल कलेज तथा पूर्वान्चल क्यान्सर अस्पतालका कार्यकारी निर्देशक दुर्गा प्रसाईले गरेका थिए । कार्यक्रमका प्रमुख अतिथि समेत रहेका प्रसाईले यस ठाउँका मानिस उच्च ओहोदामा पुगेपनि यस ठाउँका लागी केही नगरेको बताउँदै आफ्नो गाउँ वनाउन आफैं जुट्नु पर्ने बताए । आफू जन्मेको ठाउँ भएकाले यस ठाउँको विकासका लागि आफूले सहयोग गर्ने उनले बताए ।

स्थानीयवासीलाई सरल एवम् सुपथ मूल्यमा खाद्यन्न, विद्युतीय सामग्री, पेय पदार्थ उपलब्ध गराउने उद्धेश्यले सेभेन स्टार डिपार्टमेन्ट स्टोर सञ्चालनमा ल्याएको सञ्चालक किशोरकुमार पौडेलले बताए । यस्ता सामग्री किन्न अव बिर्तामोडसम्म जानु नपर्ने उनले बताए ।

सञ्चालक रेशबहादुर बस्नेतको अध्यक्षतामा भएको कार्यक्रममा प्रमुख अतिथि प्रसाईलाई झापाली युवाका प्रेरणाको श्रोतको रुपमा सम्मान गरिएको थियो ।

कार्यक्रममा अर्जुनधारा नगरपालिका–६ का अध्यक्ष लोकनाथ गौतम, वीएण्डसी हस्पिटलका जनसम्पर्क अधिकारी प्रमिश गिरी , हरिश्चन्द्र वाँस्तोला लगायतको सहभागिता रहेको थियो । सञ्चालक होमनाथ पौडलले स्वागत गरेको कार्यक्रमको सञ्चालन सञ्चारकर्मी सरोज पौडेलले गरेका थिए ।

प्रतिक्रिया व्यक्त गर्नुस्
CATEGORIES

COMMENTS

Wordpress (0)
Disqus (0 )