बिर्तामोड। झापाको बिर्तामोड ८ गरामनी स्थित हाम्रो शिखर कृषि सहकारी संस्था लिमिटेडको १६ औं बार्षिक साधारण सभा सम्पन्न भएको छ।
संस्थाका अध्यक्ष घनेन्द्रकुमार पाण्डेको अध्यक्षता तथा संस्थाका ज्येष्ठ शेयर सदस्य हर्कबहादुर श्रेष्ठको प्रमुख आतिथ्यमा सम्पन्न कार्यक्रममा कोषाध्यक्ष अनुप सापकोटाले स्वागत मन्तव्य व्यक्त गरेका थिए।
कार्यक्रममा संस्थाका अध्यक्ष पाण्डेले बार्षिक प्रतिवेदन प्रस्तुत गरेका थिए। संस्थाको शेयर सदस्य ८ सय २७ जना, शेयर पूँजी १ करोड १९ लाख ६२ हजार ९ सय रूपैयाँ, निक्षेप ३ करोड २६ लाख ५५ हजार १ सय १७ रूपैयाँ ३१ पैसा, तरलता नगद १८ लाख २७ हजार ३ सय ६३ रूपैयाँ, बाह्य ऋण १ करोड ४४ लाख ८० हजार ५ सय ६ रूपैयाँ ५ पैसा, बिभिन्न कोष ३७ लाख ८ हजार ९ सय १८ रूपैयाँ ४४ पैसा, वैंक तथा बित्तिय संस्थामा रहेको मौज्दात १३ लाख ३६ हजार ४ सय १६ रूपैयाँ ५६ पैसा, आय ९१ लाख ४० हजार ९ सय ८९ रूपैयाँ ८४ पैसा, व्यय ८८ लाख ३३ हजार ८ सय १० रूपैयाँ ८८ पैसा र नाफा ३ लाख ७ हजार १ सय ७८ रूपैयाँ ९६ पैसा रहेको प्रतिवेदनमा उल्लेख छ।
कार्यक्रममा उत्कृष्ट बचतकर्तातर्फ ठकनी चौधरी र असल ऋणीतर्फ मोहम्मद हषीवुल रहमानलाई पुरस्कृत गरिएको थियो।
कार्यक्रममा लेखा सुपरीवेक्षण समितिका संयोजक गोविन्द गौतमले लेखा सुपरीवेक्षण समितिको प्रतिवेदन प्रस्तुत गरेका थिए।
कार्यक्रमको सञ्चालन सचिव युवराज गौतमले गरेको कार्यकारी प्रमुख रमेश खनालले जानकारी दिए।
