बिर्तामोड। समुन्नत बचत तथा ऋण सहकारी संस्था लिमिटेड बिर्तामोड ५ को १८ औं बार्षिक साधारण सभा सम्पन्न भएको छ।
संस्थाका अध्यक्ष कमल पौडेलको अध्यक्षता तथा सल्लाहकार संयोजक चैतन्यप्रकाश मैनाली , सदस्य केदारनाथ पोखरेल, ज्येष्ठ शेयर सदस्यहरू महालाल पौडेल, देवीप्रसाद दङ्गाल , बिष्णुदेवी पोखरेल, बिर्ताज्योति साप्ताहिकका सम्पादक तुलसीप्रसाद निरौलालगायतको विशेष आतिथ्य रहेको थियो ।
कार्यक्रममा संस्थाका उपाध्यक्ष खेमराज बस्नेतले स्वागत मन्तव्य व्यक्त गरेका थिए।
कार्यक्रममा संस्थाका अध्यक्ष कमल पौडेलले बार्षिक प्रतिवेदन प्रस्तुत गरेका थिए।
संस्थाको शेयर पूँजी १ करोड ६८ लाख ३ हजार रूपैयाँ, निक्षेप १३ करोड ८४ लाख ३३ हजार ६ सय ७२ रूपैयाँ १९ पैसा, ऋण लगानी ४ करोड ५० लाख ३७ हजार ५ सय रूपैयाँ रहेको प्रतिवेदनमा उल्लेख छ।
संस्थाका अध्यक्ष पौडेलले संस्थाका शेयर सदस्यमध्ये बिरामी भएर रगतको आवश्यकता परेमा संस्थाले पाँच पाउण्ड रगत नि:शुल्क उपलब्ध गराउने, संस्थाका शेयर सदस्यमध्ये सर्पले टोकेमा १० हजार ५ आर्थिक सहयोग उपलब्ध गराउने, सुत्केरी महिला सदस्यलाई नगद ५ हजार ५ नगदसहित पोषण सामाग्री र बच्चाको नि: शुल्क खाता खोलिदिने बताए।
त्यस्तै संस्थाले स्थापना दिवसको अवसर पारेर आगामी २०८३ साल बैशाख ५ गते एकदिने नि: शुल्क आँखा शिविर सञ्चालन गरिने उनले बताए।
कार्यक्रममा संस्थाका लेखा सुपरीवेक्षण समितिका संयोजक कुमार मिश्रले लेखा सुपरीवेक्षण समितिको प्रतिवेदन प्रस्तुत गरेका थिए भने ऋण उपसमितिको प्रतिवेदन ऋण उपसमितिका संयोजक खेमराज बस्नेतले गरेका थिए।
कार्यक्रममा ज्येष्ठ शेयर सदस्य नारायणप्रसाद रिजाल, पबित्रादेवी बाँस्कोटा, उत्कृष्ट बचतकर्तातर्फ यसोदादेवी बराल, असल ऋणीतर्फ राममाया बुढाथोकी, एसईईमा उत्कृष्ट विद्यार्थीहरू धिरज कार्की र ईच्छा लिम्बू कन्दङ्वालाई सम्मान तथा पुरस्कृत गरिएको थियो।
कार्यक्रममा संस्थाका सल्लाहकार संयोजक चैतन्यप्रकाश मैनाली , सल्लाहकार सदस्य केदारनाथ पोखरेल, शेयर सदस्य नरपती उप्रेती , बिर्ताज्योति साप्ताहिकका सम्पादक तुलसीप्रसाद निरौलालगायतले शुभकामनासहित मन्तव्य व्यक्त गरेका थिए।
कार्यक्रमको सञ्चालन संस्थाका सदस्य रामजी पोखरेलले गरेका थिए।
