बिर्तामोड। श्री स्वरोजगार भवानी बचत तथा ऋण सहकारी संस्थाको १८ औं वार्षिक साधारण सभा तथा माइन्युट प्रमाणिकरण सभा सम्पन्न भएको छ।
संस्थाका अध्यक्ष केशब बस्नेतको अध्यक्षता तथा ज्येष्ठ शेयर सदस्य चित्राखर नेपालको प्रमुख आतिथ्यमा भएको कार्यक्रममा संस्थाका सदस्य कौशीलाल परियारले स्वागत मन्तव्य व्यक्त गरेका थिए।
साधारण सभामा संस्थाका अध्यक्ष केशब बस्नेतले संस्थाको बार्षिक प्रतिवेदन प्रस्तुत गरेका थिए।
उनले आर्थिक वर्ष २०८१/०८२ को बार्षिक प्रतिवेदन तथा चालु आर्थिक वर्ष २०८२/०८३ का लागि प्रस्तावित कार्यक्रम प्रस्तुत गरेका थिए ।
संस्थाको शेयर सदस्य ३८ हजार ७ सय ९२ जना, शेयर पूँजी १७ करोड ३६ लाख ८५ हजार रूपैयाँ, निक्षेप १ अर्ब ११ करोड २ लाख ८८ हजार ८ सय ८६ रूपैयाँ, ऋण लगानी १ अर्ब ३ करोड ८ लाख १६ हजार ४ सय ४३ रूपैयाँ ३० पैसा र यस आर्थिक बर्षमा ४७ लाख १ हजार ७ सय ६२ रूपैयाँ राज्यलाई कर तिरेको प्रतिवेदनमा उल्लेख छ।
२०६५ सालमा स्थापित स्वरोजगार भवानी बचत तथा ऋण सहकारी संस्थाले ४ वटा सुपथ मूल्यको पसल समेत सञ्चालनमा ल्याएको र झापा, इलाम र मोरङ्गमा सेवा विस्तार गरेको प्रतिवेदनमा उल्लेख छ।
यस अघि संस्थाले मंसीर २ गतेदेखि शुरु गरेको इकाईगत साधारणसभा सम्पन्न गरी मंगलबार माइन्युट प्रमाणिकरण सभा सम्पन्न गरेको संस्थाका प्रमुख कार्यकारी अधिकृत रुपन चाम्लिङले जानकारी दिए ।
माइन्युट प्रमाणिकरण सभामा अध्यक्ष बस्नेतद्वारा प्रस्तुत बार्षिक प्रतिवेदन तथा सञ्चालक समितिको तर्फबाट तयार पारिएको प्रस्तावित विभिन्न १५ बुँदे कार्यविधि पारित भएको उनले बताए।
संस्थाले सम्पत्ती शुद्धिकरण निवारण आन्तरिक कार्यविधी, सूचना तथा प्रविधि कार्यविधि, ई बैकिङ्ग संस्थागत वेबसाइट तथा अनलाईन पेज व्यवस्थापन कार्यविधी २०८२ लगायत १५ वटा कार्यविधि पेश गरी पारित गरेको उनले बताए।
साधारण सभामा शेयर सदस्यहरू गीता खरेल, तुलसी श्रेष्ठले शुभकामनासहित मन्तव्य व्यक्त गरेका थिए भने शेयर सदस्य माधवप्रसाद तिमल्सिनाले संगीनी र भजन गाएर सबैलाई मनोरञ्जन प्रदान गरेका थिए।
कार्यक्रममा लेखा सुपरीवेक्षण समितिका संयोजक डाक्टर कुमार सुवेदीले लेखा सुपरीवेक्षण समितिको प्रतिवेदन प्रस्तुत गरेका थिए।
साधारण सभाको बन्द सत्रले संस्था सञ्चालक समितिको रिक्त एक महिला सञ्चालक सदस्यको निर्वाचनका लागी सहकारी विज्ञ डिल्ली दाहालको संयोजकत्वमा निर्वाचन समिति गठन गरिएको सह व्यवस्थापक नारायण न्यौपानेले जानकारी दिए।
कार्यक्रमको सञ्चालन संस्थाका उपाध्यक्ष मनोज भट्टराईले गरेका थिए।
