बिर्तामोड । नेकपा एमाले गौरीगन्ज गाउँ कमिटीको दोश्रो गाउँ कमिटीको अधिवेशनबाट नवनिर्वाचित गाउँ कमिटीका कार्यसमितिलाई पद तथा गोपनीयताको
शपथ ग्रहण गराइएको छ ।
अध्यक्षमण्डलका अध्यक्ष अमरदास शिवाकोटीको अध्यक्षता तथा नेकपा एमालेका केन्द्रीय सदस्य रोमनाथ ओलीको प्रमुख आतिथ्यमा भएको कार्यक्रममा अध्यक्षमण्डलका सदस्य श्याम ढकालले स्वागत गरेका थिए ।
कार्यक्रममा निर्वाचन समिति संयोजक सर्वतलाल राजवंशीले नवनिर्वाचित अध्यक्ष विष्णुप्रसाद न्यौपानेलाई पद तथा गोपनीयताको शपथ ग्रहण गराएका थिए। नवनिर्वाचित अध्यक्ष विष्णुप्रसाद न्यौपानेले नवनिर्वाचित पदाधिकारीलाई पद तथा गोपनीयताको शपथ ग्रहण गराएका थिए।
कार्यक्रममा प्रमुख अतिथि ओली, नेकपा एमाले केन्द्रीय अनुशासन आयोगका सदस्य सर्वतलाल राजवंशी,कोशी प्रदेश लेखा समिति संयोजक मदन अधिकारी, झापा सचिव तुलसी कार्की, प्रदेश सदस्य विध्यानन्द राजवंशीले शुभकामना दिएका थिए । कार्यक्रममा निर्वाचन अध्यक्ष मण्डलका सदस्यहरूलाई प्रशंसा पत्र प्रदान गरिएको थियो ।
कार्यक्रममा नेकपा एमाले गौरीगन्ज गाउँ कमिटीको दोश्रो गाउँ कमिटीको अधिवेशनबाट नवनिर्वाचित गाउँ कमिटीका कार्यसमितिलाई निर्वाचन अध्यक्ष मण्डलले निर्वाचित प्रमाण पत्र प्रदान गरिएको थियो ।
कार्यक्रममा नेकपा एमाले गौरीगन्ज गाउँ कमिटीको निवर्तमान अध्यक्ष गोविन्द कुँवरले नवनिर्वाचित गाउँ कमिटीका अध्यक्ष न्यौपानेलाई माईन्यौट हस्तान्तरण गरेका थिए। त्यसैगरी नेकपा एमाले गौरीगन्ज गाउँ कमिटीको निवर्तमान सचिव सरवन गिरीले नवनिर्वाचित गाउँ कमिटीका सचिव कृष्ण महतोलाई लेखा समितिको प्रतिवेदन हस्तान्तरण गरेका थिए। कार्यक्रमको सञ्चालन अध्यक्ष मण्डलका सदस्य केदारनाथ ढुङ्गेलले गरेको उपाध्यक्ष राजकुमार राजवंशीले जानकारी दिए।
