३२ जिल्लामा प्रतिनिधिसभा र प्रदेशसभाको मतदान हुँदै

झापा । प्रतिनिधिसभा र प्रदेशसभा निर्वाचनको पहिलो चरणअन्तर्गत आइतबार विहान ७ बजेबाट ३२ जिल्लामा मतदान सुरु भएको छ । निर्वाचनबाट प्रतिनिधिसभाका ३७ र प्रदेश सभाका ७४ सदस्य निर्वाचित हुने छन् ।

३ असोज ०७२ मा जारी संघीयता र गणतन्त्रसहितको संविधान कार्यान्वयन र संस्थागत विकासको पहिलो खुट्किलोका रूपमा निर्वाचन लाई लिइएको छ । यो निर्वाचन सम्पन्नपछि ११ वर्ष लामो राजनीतिक संक्रमण अन्त्य हुनेछ । विहान ७ बजेबाट सुरु भएको मतदान बेलुका ५ बजे सम्म जारी रहने निर्वाचन आयोगले जनाएको छ ।

प्रतिनिधिसभा र प्रदेशसभा सदस्य निर्वाचनतर्फ पहिलो हुने निर्वाचित हुने प्रणालीतर्फ पहिलो चरणमा जम्मा ७०२ जना उम्मेदवार चुनावी प्रतिस्पर्धामा रहेको आयोगले जनाएको छ । पहिलो चरणको निर्वाचनमा जम्मा ३१ लाख ९१ हजार ९४५ मतदाताले मताधिकार प्रयोग गर्नेछन् । दुई हजार ९१९ मतदान स्थलमा चार हजार ४६५ मतदान केन्द्रमा आज मतदान हुँदैछ ।

प्रतिक्रिया व्यक्त गर्नुस्
TAGS

COMMENTS

Wordpress (0)
Disqus (0 )